【Vol. 2004】玩玩具都要防疫,正確清潔方法你要知

近排疫情仍未完結,戴口罩、勤洗手,相信大家日日做。係要保持社交距離嘅情況下,自己在家DIY一定最安全啦!仲可以上網買買買,最新玩具任君選擇,真係諗下都開心。不過在家DIY唔會惹到肺炎啫,萬一件玩具唔乾淨,有機會引致細菌感染,後果可以好麻煩。

staysafe提提你:
玩玩具前後記得要洗手同正確清潔玩具呀!
Blog_Photo
防水玩具可以浸住洗?

錯啦,大家見標榜防水的情趣用品,就覺得成個拎去浸都無事。但有D玩具係電動,會有叉電位或電池,如果入左水會點?你懂的。

防水玩具只可以局部沖水,請謹記先卸下電池及避開叉電位呀。

Blog_Photo
沐浴露+熱水消毒更放心?

既然玩具可以用水洗,咁用沐浴露+熱水沖就順便消埋毒啦,perfect池!Nonono,唔好衝動呀!因為大部分玩具都膠膠地,如果用沐浴露+熱水洗可能會破壞膠嘅成分,令玩具或飛機杯容易裂開,減低耐用度。而有D樹脂玩具,遇高溫可能會變形或滲出致癌物質添。

一般清潔可以用溫水配合玩具專用清潔劑沖洗。

Blog_Photo
酒精搓搓手,再用黎噴下玩具,酒精唔熱又可消毒應該冇問題?

酒精噴噴同搓手液有貨,唔知大家有冇入定呢。咩話?囤左好多?順手用黎消毒玩具?梗係唔好啦,酒精雖然可以消毒,但係同時會令膠質老化;尤其是高濃度酒精呀,容易損壞玩具,減少耐用度。

請使用玩具專用清潔劑,請使用玩具專用清潔劑,請使用玩具專用清潔劑。#好重要

Blog_Photo
玩具唔乾,用風筒速速吹乾?

其實除左化學野,熱力都會令玩具老化。大家可能為求快快收埋,每次清洗後都用風筒吹,又或者用廁紙求其抹乾就算。但係咁樣有機會令玩具變形,好快唔玩得。但唔吹就收埋的話,下次你應該會種到菇。係呢個時候,毛巾同吸濕棒就幫到你啦!

建議用乾淨唔甩毛嘅毛巾以按壓玩具吸乾水,之後同吸濕棒一起存放。

Blog_2004_05
Enjoy完,洗白白收好玩具,下次即刻有得玩

前戲同後續一樣重要,一個完美的故事必須有始有終。小編明白大家都會將玩具存放得妥妥當當,但無論你洗得幾乾淨都好,玩具放係包裝/防塵袋內都會接觸到細菌。加上有D矽膠質地嘅玩具容易沾上塵埃,所以使用前都要清潔呀,有前有後,咁就可以放心熱菇啦。

謹記事前事後清潔玩具,玩得開心冇煩惱。